BATZUEN ARTEAN
Kilimak 8-9 urte bitarteko haurrentzako jolasteko koaderno bat da, ikasturtean zehar landutako gaietan sakontzeko aukera eskaintzen duena: matematika, naturaren eta gizatearen zientziak, eta hizkuntza modu ludiko batean garatzeko balio dezake. Hori guztia euskara eta euskal testuingurua oinarri hartuta. Koadernoa sei ataletan banatuta dago, eta atal bakoitzak gai bat du ardatz. Hauek dira koaderno honetako sei gaiak: 1- Unibertsoaren sekretuak (planetak, estazio espazialak, konstelazioak?) 2- Naturaren txokoak (naturaren zaintza, erleak, zuhaitzak, animalien aztarnak, hostoak?) 3- Artista bat naiz ni! (kale-artea, artea historian, grafitiak) 4- Gozo-gozo (gozotintza, Euskal Herriko gozoak, errezetak) 5- Superheroia banintz? (superbotereak, egiazko superheroiak) 6- Pulunpa (itsas hondoa, arrainak, urpekariak, itsasoaren kutsadura) Atal horietako bakoitzean, lehenik, misterio edo asmakizun bat argitu beharko du irakurleak. Hortik aurrera, rol bat hartuko du (izango da astronauta, lorezain, artista, gozogile, superheroi eta urpekari) eta hainbat erronka gainditu beharko ditu. Tartean, Euskal Herriko txokoak ezagutuko ditu irakurleak, hainbat eskulan egingo ditu eta, amaieran, liburu gomendio batzuk topatuko ditu. Koadernoan zehar QR kodeen bitartez ikus-entzunezko euskarriak erantsi dira, ataletako informazioa osatzeko: abestiak, eskulanak egiteko jarraibideak eta abar aurkitu daitezke bertan. Koadernoaren amaieran, eskulanak egiteko, mozteko eta margotzeko txantiloiak topatuko ditu. Erantzunak ere koadernoaren amaieran daude.
